In order to view this object you need Flash Player 9+ support!

Get Adobe Flash player

Powered by RS Web Solutions

ОУВС-гийн суурин төлөөлөгчийн газрын гадна талбайд жагслаа

10-16 emch bagsh narМонголын эрүүл мэндийн ажилтны ҮЭ-ийн холбоо, Монголын боловсрол, шинжлэх ухааны ҮЭ-ийн холбоо, Монголын ажилтан албан  хаагчдын ҮЭ-ийн холбоо хамтран өнөөдөр Олон улсын валютын сангийн суурин төлөөлөгчийн газрын гадна талбайд тайван жагсаал зохион байгууллаа. Цуглаанд оролцогчид ОУВС-д хандан дараах шаардлагыг хүргүүллээ.

Үүнд;

Төрийн үйлчилгээний албан хаагчдын цалин хөлсийг нэмэгдүүлэх боломжийг бүрдүүлэх зорилгоор ОУВС-гийн өргөтгөсөн санхүүжилтийн хөтөлбөрт нэн даруй нэмэлт оруулж, хэлэлцээрт орох боломжийг бүрдүүлэх,

Дээрх шаардлагын хариуг энэ сарын 19-ний дотор Монголын эрүүл мэндийн ажилтны ҮЭ-ийн холбоонд ирүүлэхийг мэдэгдсэн байна. 

Write comment (0 Сэтгэгдэл)

ОУВС-гийн Монгол дахь суурин төлөөлөгчийн газрын гадна талбайд энэ сарын 16-нд жагсана

10-13 ajiltan alban haagchМонголын ажилтан албан хаагчдын ҮЭ-ийн холбоо, Боловсрол шинжлэх ухааны ҮЭ-ийн холбоо, Эрүүл мэндийн ажилтны ҮЭ-ийн холбоод хамтран өнөөдөр хэвлэлийн бага хурал хийлээ. Энэ үеэр соёл урлаг, эрүүл мэнд, боловсролын салбарын төрийн үйлчилгээний ажилтнууд хамтын тэмцэлд нэгдэж буйгаа илэрхийлэн УИХ, Засгийн газар, БСШУСЯ-нд мэдэгдэл хүргүүлэхээр болжээ.

Мэдэгдэлд,

  1. 1.Хөдөлмөр, нийгмийн зөвшлийн гурван талт 2017-2018 оны улсын нэмэлт хэлэлцээрийг нэн даруй эхлүүлэх,
  2. 2.Соёл урлаг, эрүүл мэнд, боловсрол зэрэг төрийн үйлчилгээний ажилтнуудын цалинг 2018 оны нэгдүгээр сарын 1-нээс эхлэн 50-иас доошгүй хувиар нэмэгдүүлэхэд шаардагдах хөрөнгийг 2018 оны улсын төсөвт тусган шийдвэрлэх,
  3. 3.Монгол Улсын Соёлын тухай хуульд нэмэлт өөрчлөлт оруулах тухай хуулийг УИХ-аар хэлэлцэн батлуулж, соёл урлагийн салбарын ажилтнуудын нийгмийн баталгааг хангах арга хэмжээ авах,
  4. 4.Соёл урлагийн төсөвт байгууллагуудын үйл ажиллагааны нэмэлт орлогыг төвлөрүүлэн зарцуулах журмыг шинэчлэн баталж, нэмэлт орлогыг ажилтнуудын цалин хөлсийг нэмэгдүүлэх, нийгмийн хамгааллыг сайжруулахад зарцуулах эрхийг төсөв захирагчдад олгож, орлогын төлөвлөгөөг дараа жил нэмэгдүүлж өгдөг буруу жишгийг таслан зогсоох шийдвэр гаргах асуудлыг тусгасан байна.

Тус мэдэгдлийн хариуг энэ сарын 20-ны дотор Монголын ажилтан албан хаагчдын ҮЭ-ийн холбоонд ирүүлэхийг мэдэгдсэн байна.

 Түүнчлэн соёл урлаг, эрүүл мэнд, боловсрол зэрэг төрийн үйлчилгээний ажилтнууд ОУВС-гийн өргөтгөсөн санхүүжилтийн хөтөлбөрт нэмэлт өөрчлөлт оруулж цалинг 2018 оны нэгдүгээр сарын 1-ний өдрөөс эхлэн 50-иас доошгүй хувиар нэмэгдүүлэх боломжийг бүрдүүлэхийг шаардсан цуглааныг энэ сарын 16-ны өдрийн 13.00 цагаас Монгол Улс дахь ОУВС-гийн Монгол дахь суурин төлөөлөгчийн газрын гадна талбайд хийхээр шийдвэрлэснээ энэхүү хэвлэлийн хурлын үеэр мэдэгдлээ.

Дээрх асуудлыг шийдвэрлээгүй тохиолдолд энэ сарын 23-ны өдрөөс эрүүл мэнд, боловсрол, соёл урлаг зэрэг төрийн үйлчилгээний салбарын ажилтнууд хугацаагүй ажил хаялтанд нэгдэж буйгаа илэрхийлэв.

Write comment (0 Сэтгэгдэл)

МҮЭХ шүүхэд хандахаар болжээ

10-13 lawМҮЭХ-ны үйл ажиллагааг харлуулах, цалин хөлс нэмэгдүүлэх чиглэлээр явуулж буй тэмцлийн үйл ажиллагааг зориуд саармагжуулах зорилгыг давхар агуулсан гүтгэлэг, бодит бус мэдээ мэдээллийг хэвлэл мэдээллийн хэрэгслээр зохион байгуулалттай тарааж, олон нийтэд буруу ойлголт төрүүлэх үйлдэл хийж байгаа тул МҮЭ-ийн холбоо зарим хэвлэл мэдээллийн байгууллага, хувь хүмүүсийг хууль хяналтын байгууллагад хандан шалгуулахаар болжээ.

Write comment (0 Сэтгэгдэл)

Талууд зөвшилцөлд хүрээгүй тул хөдөлмөрийн арбитрт шилжихээр боллоо

10-12 zuvlumjХөдөлмөр, нийгмийн зөвшлийн гурван талт 2017-2018 оны Улсын хэлэлцээрийн 2.4, 3.2, 3.9 дэх заалтын биелэлтийг шаардан МҮЭ-ийн холбооноос Засгийн газартай хамтын маргаан үүсгээд байгаа билээ. 

Хөдөлмөрийн тухай хуулийн 117 дугаар зүйлийн 117.1 дэх хэсэгт заасны дагуу Хөдөлмөрийн хамтын маргаан зуучлагч томилуулах хүсэлтийг МҮЭ-ийн холбооноос гаргаж Сүхбаатар дүүргийн Засаг дарга Х.Болормаагийн захирамжаар энэ сарын 5-ны өдөр Хөдөлмөрийн хамтын маргаан зохицуулах зуучлагчаар Монголын Хөдөлмөрийн аюулгүй байдал, эрүүл ахуйн мэргэшсэн ажилтны Үндэсний нийгэмлэгийн ерөнхийлөгч Б.Довдонбалжирыг томилсон. Хуульд заасны дагуу зуучлагч таван өдрийн дотор зөвлөмж гаргах учиртай. Зуучлагч хөдөлмөрийн хамтын маргаанд оролцогч талууд болох Засгийн газар, МҮЭ-ийн холбоо, АОЭНХ-ны төлөөлөлд өнөөдөр зөвлөмжөө танилцууллаа.
Энэ үеэр АОЭНХ-ны зүгээс шинэ Засгийн газрын гишүүд томилогдсоны дараа буюу энэхүү хурлыг хоёр өдрийн дараа дахин хуралдуулах санал гарган хурлыг орхин гарсан юм. Засгийн газрыг төлөөлж оролцсон Хөдөлмөр, нийгмийн хамгааллын яам, БСШУСЯ, Эрүүл мэндийн яамны Төрийн нарийн бичгийн дарга нарын зүгээс энэ асуудлыг хариуцсан сайд нар томилогдсоны дараа зуучлагчийн зөвлөмжтэй танилцах санал гаргасан юм.
МҮЭ-ийн холбооны зүгээс Хөдөлмөрийн зуучлагчийн зөвлөмжийг хүндэтгэн үзэж буйгаа илэрхийллээ.
Хөдөлмөрийн зуучлагч Б.Довдонбалжир доорх зөвлөмжийг талуудад танилцууллаа.
1. Хөдөлмөр, нийгмийн зөвшлийн гурван талт 2017-2018 оны Улсын нэмэлт хэлэлцээрийг яаралтай эхлүүлэх;
2. Хөдөлмөр, нийгмийн зөвшлийн гурван талт 2017-2018 оны Улсын нэмэлт хэлэлцээрийн хүрээнд гурван талын төлөөллийг багтаасан дэд ажлын хэсэг байгуулах;
3. Төрийн албан хаагчдын цалингийн зэрэглэл, шатлалыг 2018 оноос шинэчилж батлах. Цалингийн шатлал тус бүрийг 20-25 хувиар нэмэгдүүлэх зэрэг асуудлыг тусгасан байна.
Хөдөлмөрийн тухай хуулийн 118 дугаар зүйлийн 1-д зааснаар Хөдөлмөрийн хамтын маргааныг зуучлагчийн оролцоотой хэлэлцээд зөвшилцөлд хүрээгүй тохиолдолд тухайн шатны Засаг дарга ажлын гурван өдөрт багтаан хөдөлмөрийн хамтын маргааныг хэлэлцэх хөдөлмөрийн арбитрыг байгуулж арбитрчдыг томилно гэсэн заалттай. Энэ дагуу талууд хөдөлмөрийн хамтын маргаанаар зөвшилцөд хүрээгүй тул хөдөлмөрийн арбитрт шилжлээ.

Write comment (0 Сэтгэгдэл)

Цэцэрлэгийн багш нар ажил хаялтанд нэгдэхээ илэрхийллээ

10-11 subМҮЭ-ийн холбооноос Засгийн газрыг Хөдөлмөр, нийгмийн зөвшлийн гурван талт 2017-2018 оны Улсын хэлэлцээрийн заалтыг хэрэгжүүлэхээр удаа дараа шаардлага хүргүүлж улмаар хамтын маргаан үүсгээд байгаа билээ. Засгийн газар энэхүү хэлэлцээрээр хүлээсэн үүргээ биелүүлээгүй тохиолдолд эрүүл мэнд, боловсролын салбарынхан хугацаагүй ажил хаялт зарлаж хамтын тэмцэл өрнүүлэхээ илэрхийлээд байгаа билээ. Энэ сарын 11-ны өдөр Нийслэлийн СӨБ-ын ҮЭ-ийн дарга нарын дунд зохион байгуулсан Хөдөлмөрийн хамтын маргааныг хэрхэн шийдвэрлэх талаарх хэлэлцүүлгийн үеэр цэцэрлэгийн багш нар ажил хаялтанд хуулийн дагуу нэгдэхээ илэрхийллээ. Цэцэрлэгийн багш нарын тухайд нэг багш 50-60 хүүхэдтэй ажилладаг, дуу чимээ ихтэй нөхцөлд олон цагаар ажилладаг зэргээс шалтгаалж даралт, зүрх судасны өвчнөөр өвчлөх нь их байдаг байна. Иймд цэцэрлэгийн багш нарын хөдөлмөрийн нөхцөлийг сайжруулж, цалинг нэмэх асуудлыг УИХ, Засгийн газраас яаралтай шийдвэрлэх ёстой гэж үзэж буйгаа энэ үеэр илэрхийлсэн юм. Энэхүү хэлэлцүүлгийн үеэр Боловсрол шинжлэх ухааны ҮЭ-ийн холбооны дарга Ж.Батзориг МҮЭ-ийн холбоо Засгийн газар хоорондын хамтын маргаан, явцын талаар мэдээлэл өгч, багш нарын сонирхсон асуултад хариулт өглөө. 

Write comment (0 Сэтгэгдэл)

Хөдөлмөрийн хамтын маргааны зуучлагчаар Б.Довдонбалжир томилогджээ

10-05 tomilgooХөдөлмөр, нийгмийн зөвшлийн гурван талт 2017-2018 оны Улсын хэлэлцээрийн 2.4, 3.2, 3.9 дэх заалтын биелэлтийг шаардан МҮЭ-ийн холбооноос Засгийн газартай хамтын маргаан үүсгээд байгаа. Хөдөлмөрийн тухай хуулийн 117 дугаар зүйлийн 117.1 дэх хэсэгт заасны дагуу Хөдөлмөрийн хамтын маргаан зуучлагч томилуулах хүсэлтийг МҮЭ-ийн холбооны ерөнхийлөгч Х.Амгаланбаатар Засгийн газар болон Сүхбаатар дүүргийн Засаг дарга Х.Болормаа нарт гаргасан. Энэ дагуу энэ сарын 5-ны өдөр Сүхбаатар дүүргийн Засаг дарга захирамж гаргаж Хөдөлмөрийн хамтын маргаан зохицуулах зуучлагчаар Монголын Хөдөлмөрийн аюулгүй байдал, эрүүл ахуйн мэргэшсэн ажилтны Үндэсний нийгэмлэгийн ерөнхийлөгч Б.Довдонбалжирыг томилсон байна. 

Write comment (0 Сэтгэгдэл)

Боловсролын салбарынхан онц их хурлаа хийлээ

10-05 basghБагшийн цалинг нэмүүлэх түр хорооноос Багш нарын анхдугаар онц их хурлаа өнөөдөр МҮЭСТО-нд хийлээ.
Улаанбаатар хотын 9 дүүрэг, 21 аймгийн 900 гаруй багш нарын төлөөлөл, МҮЭ-ийн холбоо, МБШУҮЭХ, “Багшдаа тусалъя” эцэг эхчүүдийн холбоо, бусад ТББ-ын төлөөлөгчид энэхүү арга хэмжээнд оролцлоо.
Монголын боловсролыг дэлхийн түвшинд хүргэх зорилт тавьж байгаа хэдий ч багш нарын үндсэн цалин дэлхийн түвшнээс хэд дахин доогуур байгаад боловсролын салбарынхан бухимдаж байгаагаа илэрхийллээ. Тиймээс энэ онд багш нарын үндсэн цалинг 50 хувиар нэмэгдүүлэх шаардлагатай гэсэн саналыг энэ үеэр олон багш нар гаргаж байсан юм. Түүнчлэн хувийн сургуулиудад олгодог хувьсах зардал болоод жил бүр сурах бичгийн тендерт зарцуулдаг хөрөнгийг багш цалинг нэмэгдүүлэхэд зарцуулдаг болох саналуудыг гаргалаа.
МҮЭ-ийн холбооны дэд ерөнхийлөгч С.Эрдэнэбат “Цалин нэмүүлэх асуудлаар МҮЭХ-ноос баримталж буй бодлого”-ын талаар мэдээлэл хийсэн. Тэрээр энэ намрын УИХ-ын нэгдсэн чуулганаар тэтгэврийн насыг нэмэгдүүлэх асуудлыг эхний ээлжинд хэлэлцэх ёстой гээд боловсролын салбарт ажиллаж байгаа иргэд тэтгэвэрт гарах насаа өөрөө сонгодог байхаар хуульд тусгаж өгөх шаардлагатай гэдгийг онцоллоо. Түүнчлэн УИХ-аар хэлэлцэх Хөдөлмөрийн тухай хуулийн шинэчилсэн найруулгын төсөлд багш нарын хөдөлмөрлөх эрхийг хамгаалсан олон заалт хасагдах магадлал өндөр байгаа. Тиймээс үүний эсрэг тэмцэх болно гэдгээ илэрхийллээ. Өнөөдөр Улаанбаатар хотын хэмжээнд ашиглалтанд орсон ч зарагдаагүй олон орон сууц байгаа. Үүнийг боловсролын салбарт ажиллаж байгаа багш нарт хөнгөлөлттэй нөхцөлөөр олгох гаргалгааг төр засгааc хийх шаардлагатай зэргийг тэрээр онцлон дурдсан юм.
Сүүлийн үед сошиалаар гарч буй МҮЭ-ийн холбооны талаарх сөрөг мэдээллийг багш нар сонирхож байсан. С.Эрдэнэбат ҮЭ-үүдийг хооронд нь хагалган бутаргах санаатай үйлдлүүдийн нэг. Энэ сөрөг мэдээлэлд автахгүй, өөрсдийн мэргэн ухаанаар тунгаан зөвөөр ойлгохыг багш нарт сануулаад тэдний тэмцэлд тууштай хамтарна гэдгээ илэрхийллээ.
“Багш багшдаа тусалъя” уриатай өрнөж буй энэ арга хэмжээнд оролцож буй багш нар Сүхбаатарын талбайд 40 минутын турш чимээгүй суулт хийж, уг хурлаас гарсан шаардлагаа Засгийн газарт хүргүүллээ.

Write comment (0 Сэтгэгдэл)

Цалингаа нэмүүлэхээр цагаан халаатнууд жагслаа

10-04 emch 1Эрүүл мэндийн салбарынханд Тусгаар тогтнолын талбайд өнөөдөр тайван жагсаал хийлээ. Жагсаалд 21 аймгаас эмч нарын төлөөлөл ирж оролцсон юм. Өнөөдөр эрүүл мэндийн салбарынхан 2-3 дахин давсан ачаалалтай ажиллаж байгаа хэдий ч 434-660 мянган төгрөгийн цалин авч байгаа юм. Эрүүл мэндийн ажилтны ҮЭ-ийн холбооноос УИХ, Засгийн газарт цалинг нэмэгдүүлэх талаар удаа дараа шаардлага тавьж байгаа хэдий ч өнөөдрийг хүртэл тодорхой үр дүн гараагүй байна. Энэ оны нэгдүгээр сард байгуулсан Хөдөлмөр, нийгмийн зөвшлийн Улсын гурван талт 2017-2018 оны улсын хэлэлцээрт нэмэлт хэлэлцээрээр цалинг нэмэх асуудлыг тусгахаар болсон билээ. Гэвч Засгийн газрын зүгээс энэхүү нэмэлт хэлэлцээрийг зөрчин 2018 оны Улсын нэгдсэн төсвийг УИХ-д өргөн барихдаа цалин, тэтгэврийг нэмэх талаар нэг ч үг өгүүлбэр оруулаагүй байна. Иймд эрүүл мэндийн салбарынхан тайван жагсаал зохион байгуулж УИХ, Засгийн газар, холбогдох Байнгын хороодод “Хөдөлмөр, нийгмийн зөвшлийн гурван талт 2017-2018 оны улсын хэлэлцээрийн 3.2 дах заалтыг хэрэгжүүлэх хүрээнд эрүүл мэндийн салбарын ажилтнуудын цалинг 50-иас доошгүй хувиар нэмэгдүүлэх, шаардагдах хөрөнгийг 2018 оны улсын төсөвт нэмж тусган шийдвэрлүүлэх. Энэ шаардлагыг биелүүлээгүй тохиолдолд хуулиар олгогдсон эрхийн дагуу 2017 оны 10 дугаар сарын 23-ны өдрөөс ажил хаялт хийх хүртэл хамтын тэмцлээ үргэлжлүүлэхээ албан ёсоор мэдэгдэж” байгаагаа илэрхийлж шаардлага хүргүүллээ. Энэхүү шаардлагын хариуг энэ сарын 11-ны дотор Монголын Эрүүл мэндийн ажилтны ҮЭ-ийн холбоонд ирүүлэхийг мэдэгдсэн байна. Эрүүл мэндийн салбарынхан энэхүү шаардлагаа хүргүүлэхдээ Төрийн ордонг гурван удаа гороолж УИХ, Засгийн газрын гишүүдэд өвдөг сөгдөн шаардлагаа тавилаа.

emch 6

emch 5

10.04 emch 2

Write comment (0 Сэтгэгдэл)

Европын холбооны Хамтын ажиллагааны нийгэмлэгийн Хүний наймаатай тэмцэх хэлтсийн Онцгой төлөөлөгч Мадина Джарбусыноваг хүлээн авч уулзлаа

10-04 hunii naimaaМҮЭ-ийн холбооны ерөнхийлөгч Х.Амгаланбаатар Европын холбооны Хамтын ажиллагааны нийгэмлэгийн Хүний наймаатай тэмцэх хэлтсийн Онцгой төлөөлөгч  Мадина Джарбусыноваг өнөөдөр хүлээн авч уулзлаа. Монголд хүний наймаа болон, хүн худалдаалах гэмт хэрэг, албадан хөдөлмөр эрхлэлтийн байдалтай танилцаж үнэлгээ өгч, санал зөвлөмж өгөхөөр ирсэн талаараа Онцгой төлөөлөгч  Мадина Джарбусынова уулзалтын эхэнд онцлоод Монгол Улсад хийж буй ажлын айлчлалаа МҮЭ-ийн холбооноос эхэлж байгаадаа баяртай байгаагаа илэрхийллээ. Тэрээр сүүлийн жилүүдэд Монгол Улсад хүний наймаа, хүн худалдаалах гэмт хэрэг, албадан хөдөлмөр эрхлэлт нэмэгдэх хандлагатай байгаа талаар ОУХБ, ОУҮЭ-ийн байгууллагын тайланд тусгагдсан байсан гэдгийг дурьдлаа. Мөн Монгол Улсад гэрээгээр хөдөлмөр эрхэлж байгаа Хойд Солонгосын ажилчид болоод хөдөө аж ахуйн салбарт хүүхдүүд ажилладаг асуудлыг уулзалтын үеэр хөндлөө.

МҮЭ-ийн холбооны ерөнхийлөгч Х.Амгаланбаатар хэлэхдээ,

-Хүний наймаа болон, хүн худалдаалах гэмт хэрэг, албадан хөдөлмөр эрхлэлт  зэрэг нь сүүлийн жилүүдэд хурцаар яригдаж байгаа чухал сэдвийн нэг яах аргагүй мөн. МҮЭ бол эвлэлдэн нэгдсэн гишүүд, иргэд хөдөлмөрчдийн эрүүл аюулгүй орчин, цалин, хөлс, хөдөлмөр нийгмийн хамгааллыг сайжруулахад чиглэсэн үйл ажиллагаа явуулдаг байгууллага юм. Сүүлийн 20 гаруй жилийн турш хөдөлмөрийн ялгаварлал, албадан хөдөлмөр, хүний эрх зөрчигдөхөөс урьдчилан сэргийлэх ажлыг хийж ирсэн. Монгол Улсын эдийн засгийн нөхцөл байдал таатай бус, ажилгүйдэл, ядуурал ихтэй байна. Үүний зэрэгцээ хөдөлмөрийн үнэлэмж бага байгаа нь хүний наймаа, хүн худалдаалах гэмт хэрэг, албадан хөдөлмөр эрхлэлтийн нэг шалтгаан үзэж байна. Та бүхний зүгээс эдгээр асуудлыг нарийвчилан судалж үнэлэлт дүгнэлтээ гарах байхаа.

МҮЭ-ийн холбооноос хөдөлмөр эрхлэлтийг зохистой төвшинд явуулах, цалин хөлсийг нэмэгдүүлэх, албадан хөдөлмөрийг хориглох, ажилгүйдэл ядуурлыг бууруулах асуудлыг хамтын гэрээ хэлэлцээрээр зохицуулж байгаа нь цаад утгаараа хүний наймаа болон, хүн худалдаалах гэмт хэрэг, албадан хөдөлмөр эрхлэлттэй тэмцэхэд чиглэгдэж байгаа.

Монгол Улсад хөдөлмөр эрхэлж байгаа Хойд солонгосын иргэдийн тухайд хоёр улсын гэрээгээр ажилладаг юм билээ. Хөдөө аж ахуйн салбарт хүүхдийн хөдөлмөр эрхлэлт байгаа нь манай улсын уламжлалт мал аж ахуйн арга барилтай холбоотой юм. Тиймээс таныг энэ асуудлыг олон талаас нь авч үзээсэй гэж хүсэх байна.

 

 

Write comment (0 Сэтгэгдэл)
mail login1
IT Agency LLC and Extensions by IT-Agency.mn
  • Шинэ мэдээ

  • Их уншсан

20155555

Өргөдөл гомдол, Санал хүсэлт

Түүхэн замнал

Монгол улсад үйлдвэрчний эвлэлийн хөдөлгөөн 1917 оноос үүсч, хөгжсөн ба МҮЭ- ийн холбоо анх 1927 онд Бүх Монголын Үйлдвэрчний Эвлэлийн Төв Зөвлөл нэртэйгээр байгуулагдсан.

дэлгэрэнгүй ...

Facebook

Холбоо барих

Хаяг: 210646 Улаанбаатар хот, Чингэлтэй дүүрэг
1-р хороо, Бага тойруу /15160/,
Их эзэн Чингис хааны нэрэмжит талбай-9
Утас:70112128, Факс: (976)-70112128
И-мэйл:cmtu@ mongol.net

Статистик

376101
ӨнөөдөрӨнөөдөр1435
ӨчигдөрӨчигдөр1274
Энэ долоо хоногтЭнэ долоо хоногт2709
Энэ сардЭнэ сард16466
НийтНийт376101